اتعودت لما أشرب حاجة ساقعة.. احط منديل تحتها.. أصلها في الحر.. “بتسيب علامة” وأنا في العادة مبحبش كده.. لكن حصل من أسبوعين إني أول مرة أحس إنها حاجة كويسة : ).. لما طلعوا في إعلان كوكاكولا وقالوا: “للي بيسيب علامة”
…
..الإعلان دخل في الموضوع عالطول.. وبدأ بالنهاية.. الناس اللي تستاهل المكافأة قبل المكافأة نفسها.. فلازم تلاقي نفسك قاعد مستني تشوف هيطلعوا بايه: )
أجمل مافيه اللغة البصرية المعبرة جدا رغم بساطة تكوينها
الرمزية اللي وظفت ازازة الكولا أو أجزاءها كمصاحب لكل المعاني المطروحة وبكده نجحت في توصيل رسالة إنها صورة للمعاني دي أو بتشجع عليها..خاصة في قيم زي حرية الرأي.. لما عبر عنها بصورة إزازة غطاها مفتوح في وسط غطيان تانية مقفولة، مش عارفة ليه حسيت الإزازة دي شبهي 
ولما جاب ازازة كوكا كبيرة فاضية وحوليها كبيات كلها مليانة في إشارة لقيمة المشاركة.. وطبعا لما استخدم الغطا اللي طالع بالتدريج زي الشمس اللي بتطلع في “كل يوم جديد”
تأثير الإعلان عامل زي اللي ييجي يقولك نكته ومتضحكش عليها إلا في الآخر وانت بتقوله.. “حلوه!!!! ههه”.. وده جايز سر نجاحه
وجايز السر في إنه ساب علامته.. الابتسامة اللي اترسمت على وشك.. وهتخليك تصدق إن بكرة يستاهل يبقى أحلى : )
ملحوظة: التدوينة دي مش إعلان
عندك حق جدااا
الاعلان ده انا شايفاه رائع و عبقري فعلا في طريقة توظيفه لاستخدام ازازة الكوكاكولا
زي الحتة اللي فيها ازازة غطاهامفترح و قال “للي بيعبر عن رايه”
بجد اعلان مبدع
ملحوظة: اول مرة اعرف ان عندك بلوج يا ايمان :$
سيناااار.. : )
البلوج فتحته بعد المنحة بس مكنتش بعمل شير أبدا.. كان كل اللي بييجوا اتنين أو تلاته لمدة سنة ونص :$.. قفلته ورجعت فتحته من أسبوعين بس
بالنسبة للإعلان أنا عاجبني جدا لدرجة إن البوست ده خد مني وقت عشان طويل عشان أحس إني عبرت عن قيمة الإبداع فيه من غير ما يبان كمية اندهاشي من بساطته وفي نفس الوقت تعبيره ..
مبسوووطة بمرورك جدا.. وكرري الزيارة
جميل يا إيمان تناولك و تحليلك للموضوع ،،
أما عن الإعلان فهو أحل ما فيه انه عايز يوصل للناس إن العلم كله كوكولا ،، يعنى هيوصل للناس أين كان مزاجهم مكانهم شخصيتهم ،، خلق حيا كوكاكوليا عمييقه ،، درسيين المجتمع المصري كويس ،، و زى ما إنت قلتى شوفتى نفسك فيه ،، فأنا متأكده إن كل واحد هايقول نفس الكلمه على إزازه أو غطى ،، و هو دا المغزى من الإعلان إنو يحسسك إنك جزء منه ،،،
ده حقيقي فعلا..وجزء كبير من تكنيك شد الانتباه قايم على المحاكاه دي.. عاجبني أوي إنهم قدروا يبتكروا لحد ما وصلوا كل المعاني دي.. عاجبني أكتر إنهم استغلوا كل حاجة حتى العلامة اللي بتسيبها الازازه..
بس أنا معرفتي إنتي إيمان صبحي وللا فاروق و للا رشوان و للا وليد؟ : )
احساسي بيقولي فاروق.. ؟
أه بس : ) ليه ؟
تصدقي يا إيمان انا أول مرة أشوف الاعلان ده هنا ما كنتش اعرفه قبلها
بس هو فعلا فكرته رائعة واعتقد كمان ان تكلفته كانت معقولة مقارنة بباقي الاعلانات اللي بيبقى فيها موديلز أو ممثل ولا مغني وما بيبقاش فيها ابتكار ولا فكرة زي الاعلان ده
فكرني بإعلانات زين بيبقى فيها ابتكار برضو وبتوصل فكرة
الاعلان فعلا يستاهل إعلان
إيمان.. منا قلتلك عشان عندي أعرف أكتر من خمس إيمانات.. ممكن أي واحدة تكون علقت.. خصوصا الاي دي بتاعتك مش مبينة أي حاجة.. بس شفتي عرفتك ازاي لوحدي؟ : )
أميرة..مبسوطة انو عجبك يا ميرا : )
بتهيألي موضوع التكلفة دي حقيقي.. بس خدي بالك إن اللي بياخد اللقطات دي لازم يكون مصور محترف متخصص في النوع ده من التصوير.. ومبتهيأليش بياخد مبلغ هين بردو
D
و اخيييييييييييرا بدات حلوه زى العاده رغم ان شهادتى مجروحه بس انت عارفه راى من غير ما اقوله
شهادتك مجروحة فعلا : )