لما زعلت شوية

ممكن الناس تشوفني ببالغ لو قلت إني حزينة على موت ستيف جوبز، خاصة إن آخر علاقتي بشركة آبل هي إني استخدمت جهاز آبل مرة واحدة في حياتي، وبشوف علامة الشركة على منتجاتها زي آي فون وآي باد.. وبحلم.. : )

بس الحقيقة إني من أكتر من عشر سنين شفت فيلم بيتناول الجزء الأول من قصة حياة ستيف جوبز، يمكن وقتها مكنتش لسه جبت الكمبيوتر بتاعي ومكنتش أعرف حتى الفيلم بيكلم عن مين، بس فاكرة كويس إن كان فيه مشهد بيصور ستيف جوبز و زمايله لما ابتدوا يعرضوا الكمبيوتر كتقنية جديدة  ومكنش فيه حد بيديهم أي إهتمام .. ورغم كده كملوا لحد ما بقت أبل هي أبل وانتجوا ماكينتوش.. فاكرة كمان شيء من زهوه بإنجازه لدرجة ضايقتني، ثم طرده بعدها مباشرة من الشركة اللي أسسها ورد الفعل الغير متوقع باعترافه بخطأه ومحاولته للوصول لمغزى من حياته

من وقتها وأنا مفتكرش اسمه.. بس كنت كل ما أشوف منتجات أبل افتكر المشهد و أحس إنها مختلفة لأن وراها في الأصل مؤ­من، رغم كل الكافرين، مش خايف يمشي ورا قلبه لأنه متأكد إن فيه حكمة وده طريقه ليها

“The only way to do great work is to love what you do. If you haven’t found it yet, keep looking. Don’t settle. As with all matters of the heart, you’ll know when you find it.”  Steve Jobs’ Stanford Commencement Speech

لما عرفت إنه مؤسس بكسار زاد على الإيمان كونه فنان .. شايف منطق ومبدأ ورا كل شيء يخلقه، حد الشغل بالنسبة ليه مش مجرد إنتاج خالي من أي فكر أو مشاعر، ولكن طريق لمعرفة الهدف والحقيقة.. مستغربتش لما سمعته بيكلم عن تجربته مع دراسة دورة في فن الخط كمثال على إيمانه بوجود معنى من ورا الأحداث والتجارب اللي بنمر بيها في حياتنا..

“You can’t connect the dots looking forward; you can only connect them looking backwards. So you have to trust that the dots will somehow connect in your future. You have to trust in something — your gut, destiny, life, karma, whatever. This approach has never let me down, and it has made all the difference in my life.” Steve Jobs Stanford Commencement Speech.

وللصدفة.. قبل معرفتي خبر موته بساعات.. كنت لسه بكتب مداخلة عن الولاد اللي عندي في الفصل وازاي بيفكروا بشكل مختلف.. وكنت بعمل بحث على الانترنت فلقيت إن كلمة ل”Think Different” شعار ستيف جويز.. افتكرت المشهد وحسيت بتفاؤل.. قلت ليه لأ.. جايز حد فيهم ف يوم يبقى أفضل منه

“Your time is limited, so don’t waste it living someone else’s life. Don’t be trapped by dogma — which is living with the results of other people’s thinking. Don’t let the noise of others’ opinions drown out your own inner voice. And most important, have the courage to follow your heart and intuition. They somehow already know what you truly want to become. Everything else is secondary.”  Steve Jobs’ Stanford Commencement Speech

مات فخسرت الدنيا من المؤمنين والملهمين والقادرين على تحقيق الحلم واحد..وأنا زعلت شوية..

شكرا ستيف.. ومباركين هم من آمنوا وعملوا فألهموا العالم : )

Advertisement