ممكن الناس تشوفني ببالغ لو قلت إني حزينة على موت ستيف جوبز، خاصة إن آخر علاقتي بشركة آبل هي إني استخدمت جهاز آبل مرة واحدة في حياتي، وبشوف علامة الشركة على منتجاتها زي آي فون وآي باد.. وبحلم.. : )

بس الحقيقة إني من أكتر من عشر سنين شفت فيلم بيتناول الجزء الأول من قصة حياة ستيف جوبز، يمكن وقتها مكنتش لسه جبت الكمبيوتر بتاعي ومكنتش أعرف حتى الفيلم بيكلم عن مين، بس فاكرة كويس إن كان فيه مشهد بيصور ستيف جوبز و زمايله لما ابتدوا يعرضوا الكمبيوتر كتقنية جديدة  ومكنش فيه حد بيديهم أي إهتمام .. ورغم كده كملوا لحد ما بقت أبل هي أبل وانتجوا ماكينتوش.. فاكرة كمان شيء من زهوه بإنجازه لدرجة ضايقتني، ثم طرده بعدها مباشرة من الشركة اللي أسسها ورد الفعل الغير متوقع باعترافه بخطأه ومحاولته للوصول لمغزى من حياته

من وقتها وأنا مفتكرش اسمه.. بس كنت كل ما أشوف منتجات أبل افتكر المشهد و أحس إنها مختلفة لأن وراها في الأصل مؤ­من، رغم كل الكافرين، مش خايف يمشي ورا قلبه لأنه متأكد إن فيه حكمة وده طريقه ليها

لما عرفت إنه مؤسس بكسار زاد على الإيمان كونه فنان .. شايف منطق ومبدأ ورا كل شيء يخلقه، حد الشغل بالنسبة ليه مش مجرد إنتاج خالي من أي فكر أو مشاعر، ولكن طريق لمعرفة الهدف والحقيقة.. مستغربتش لما سمعته بيكلم عن تجربته مع دراسة دورة في فن الخط كمثال على إيمانه بوجود معنى من ورا الأحداث والتجارب اللي بنمر بيها في حياتنا..

وللصدفة.. قبل معرفتي خبر موته بساعات.. كنت لسه بكتب مداخلة عن الولاد اللي عندي في الفصل وازاي بيفكروا بشكل مختلف.. وكنت بعمل بحث على الانترنت فلقيت إن كلمة ل”Think Different” شعار ستيف جويز.. افتكرت المشهد وحسيت بتفاؤل.. قلت ليه لأ.. جايز حد فيهم ف يوم يبقى أفضل منه

مات فخسرت الدنيا من المؤمنين والملهمين والقادرين على تحقيق الحلم واحد..وأنا زعلت شوية..

شكرا ستيف.. ومباركين هم من آمنوا وعملوا فألهموا العالم : )

Well,what about most of the time?

Most of the time, the keys stay in the jar

Well why do you keep them?
You should just throw them out

No
No I couldn’t do that

Why not?

If I threw these keys away
then those doors will be closed forever
And that shouldn’t be up to me to decide
Should it?

Guess I’m just looking for a reason

Well, from my observations
sometimes it’s better off not knowing
and other times there’s no reason to be found

Everything has a reason

It’s like these pies and cakes
At the end of every night
the cheesecake and the apple pie
are always completely gone
The peach cobbler
and the chocolate mousse cake
are nearly finished
But there’s always a whole blueberry pie left untouched

So what’s wrong with the blueberry pie?

There’s nothing’s wrong with the blueberry pie
It’s just people make other choices
You can’t blame the blueberry pie
It’s just no one wants it”

كونفيتي لملابس الأطفال
المشاية السفلية بجوار حامد عبد الله للنظارات
أمام نادي النيل

من زمان أوي لدرجة نسيت من امتى.. وعدت ولد صغير وعد.. وعشان أوفي بيه.. محتاجة على الأقل خمسين واحد يقرأوا الكلام اللي جاي.:)



كنا في عز الشتا لما نزلنا نشتري هدوم.. واحنا بنلف قابلنا ولد صغير بيوزع إعلانات وعشان الدنيا كانت برد واتهيألنا إنه بيلف بالورق وخلاص حاولنا نديله فلوس..

رفض الولد بإباء أحرجنا.. وكان هيمشي بسرعة لولا أصرينا نكلمه .. اسمك ايه؟ .. بتروح المدرسة؟.. اه.. خدنا الورق واحنا معجبين باجتهاده ومحرجين من نفسنا ومشينا

كانت كروت صغيرة.. إعلان لمحل ملابس أطفال اسمه “كونفيتي” على المشاية.. مطبوع على ضهرها آية الكرسي وأحيانا خواتيم سورة البقرة.. فاكرة كويس لأننا كنا على وشك نكون في رمضان ولما شفتها قلت دي حاجة ذكية.. ثواب وفي نفس الوقت محدش هيرميها

كملنا مشي.. شوية كده ولقينا نفس الولد جاي من ضهرنا.. حبينا ناخد ورق تاني.. عشان الورق يخلص.. قالي : انتو خدتوا قبل كده..

وبعدين فكرت.. حتى لو قابلناه مية مرة.. بردو مش هيخلص..والوقت اتأخر والمشاية ابتدت تفضى.. خاصة مع البرد.. وبأمانته اللي مخلياه ميديش نفس الناس الإعلانات مرتين.. الورق عمره ما هيخلص

انت لازم توزعهم كلهم؟ -

اه -

طب ايه رأيك آخد شوية أوزعهم بنفسي؟ -

بصلي بتردد

.. هديهم لأصحابي

.. بس هتوزعيهم؟؟ -

أكيد -

خدت الورق وكلي نية أوزعه.. وعد الحر بقى.. وفعلا وزعت منه.. لما أشوف حد من أصحابي.. لو قابلت بنت في تاكسي .. بس بعد شوية نسيته واتركن..

من فترة للتانية الاقيه في المكان اللي حطيته فيه متغلف بورقة بيضا.. افتكرالوعد.. أنوي وأرجع أنسى..

شوية وحتى الورق اختفى.. وبقت المشكلة مش في التوزيع بس

لحد من يومين افتكرته تاني.. من غير سبب محدد.. وقلت ليه لأ.. موضوع على المدونة.. خمسين كليك ونبقى خالصين !!

ممممم.. بتهيألي نبقى خالصين : )

……………عشان كده

كونفيتي لملابس الأطفال
المشاية السفلية بجوار حامد عبد الله للنظارات
أمام نادي النيل

: )
..
.تحايلت كثيرا على الأمر .. اقصد افتتاح المدونة مرة أخرى.. كيف أكتب دون كتابة؟؟ تارة أكتب مسودة.. ثم أقنع نفسي أنها غير كاملة.. يلزمها شيء من التنقيح.. لا بل كاملة ولكنها غير مناسبة.. لا بل ناقصة ولن أكملها..من عساه يهتم؟؟.. من عساه يقرأ مدونتك في خضم الأحداث التي قامت شرقا وغربا وأنت تكتبين عن عالمك الذي لا تتعدى مساحته غرفة وشقة وثلاث شوارع رئيسية والسماء.. وهل لك طاقة بما تكتبين؟؟؟ كلما هممت ليرى بعض خاطرك النور.. قام حرس الوعي وعسكر المراقبة فأغلق دون ذلك كل النوافذ والأبواب مقنعا إياكِ أن الكتابة مسؤولية.. وأن كثر قاموا بالمهمة عنك .. فلم لا تكفِ نفسك شر القتال وتقتبسي بعضا مما كتبوه عوضا عن الإطناب وكثرة الحديث.. فخيره ما قل ودل..ولابد أن فيما كتبوا ما يوافق ما كتبت.. فأقنع نفسي أن ذاك نعم الرأي.. وأتراجع حتى سبتمبر … : )

ولكن سبتمبر مضى و مضى بعده عدد لا بأس به من السبتمبرات.. إن صح التعبير.. “عشرين مرة إجى وراح الشتي”… لا المسودات اكتملت وللا الحرس غادر.. و لم أجد مفرا، إن كنت عازمة بالفعل، إلا أن أنشر أولى المسودات وإن ظلت ناقصة..  للأبد ..

هي مدونتي.. أكتب فيها لمحات من حياة.. قد تكون حياتي أو حياة الآخرين كما أراها.. أكتب لأني أومن أن هناك فكرة ما سترى على يدي النور.. خبرة تعلمتها ونقلتها أمد بها يدا قد لا يمدها سواي.. ومصابيح أشعلها لأنير أولا جنبات نفسي بالفهم ثم دروب كل من تسوقه قدما قدره في طريقي.. الآن أو غدا أو في آخر الزمان

عربية هي عربية.. أو انجليزية.. أو الاثنين معا..

صادقة كما أدرك الحقيقة.. ولا شيء سوى الحقيقة..

موضوعية بقدر ما يطرح العابرون وجهات نظرهم فيختلفوا معي أو يتفقوا ليصل كلانا لصورة أوضح..

وهذه أول مداخلاتها.. البداية..  ومع كل بداية سلام : )